Integra Santiago

FINS

En 1967 nace co FIN de traballar pola mellora da calidade de vida das persoas con discapacidade intelectual e as súas familias conseguindo e facilitando os apoios necesarios para a defensa e mellora dos seus dereitos. 

É unha asociación de familias, sen ánimo de lucro, que considera que as persoas con discapacidade intelectual teñen dereitos, teñen capacidades, son iguais e merecen respecto á individualidade e á diferenza. Por iso traballa promovendo servizos que desenvolvan as súas capacidades e con criterios de calidade que procuren a normalización e incrementen o grao persoal de benestar, autonomía, independencia, integración e inclusión social, cun compromiso solidario do equipo humano, honradez, transparencia e confianza.

ACTIVIDADES  

 A  ASOCIACIÓN ASPAS  ofrece servizos ás persoas con discapacidade intelectual independentemente do tipo de discapacidade, grado e sexo, e ás familias, titores e outros socios da mesma:

1. Servizos para Persoas con Discapacidade Intelectual con Necesidades de Apoio Extenso e/ou Xeneralizado: (Maiores de 16 anos).

• CENTRO RESIDENCIAL Juán Vidán Torres: Funciona en réxime de Internado permanente e atende a usuarios con grandes discapacidades. As actividades que se realizan van encamiñadas á adquisición de hábitos da vida diaria e á rehabilitación física. 

• CENTRO de DÍA- UNIDADE DE ATENCIÓN PERSOALIZADA: presta servizos de atención diurna a ususarios con grandes necesidades de apoio.

2. Servizos para Persoas con Discapacidade Intelectual con Necesidades de Apoio Intermitente: (Maiores de 18 anos).

• CENTRO OCUPACIONAL ASPAS: O seu o obxectivo é proporcionar a formación necesaria para un maior desenvolvemento persoal e profesional traballando habilidades, capacidades e ferramentas que facilitan a inserción social e laboral. Está composto por 5 talleres nos que se realizan actividades de formación laboral. 

• VIVENDAS COMUNITARIAS e PISOS TUTELADOS: Nelas preténdese potenciar as habilidades para a vida autónoma. 

• APOIO PARA O EMPREGO: Co primeiro taller ocupacional iníciase un camiño que aposta pola inserción no mercado laboral como unha peza esencial na integración social e realización persoal das persoas con discapacidade intelectual. Neste sentido séguense diversas vías: Inserción en empresa ordinaria e creación do centro especial de emprego ASPAS EMPREGO S.L. 

• PROGRAMA DE AUTOXESTORES: O obxectivo do programa é promover a autoxestión e autodeterminación das persoas con discapacidade intelectual.

3. Servizo para Familias, Titores e Socios:

Dende a Asociación ofrécese información e formación ás familias a través de xornadas ou charlas sobre cuestións que relacionadas co mundo das persoas con discapacidade. Ademais de prestar un servizo de asesoramento continuo.

4. Servizo de Ocio, Deportes e Voluntariado:

O traballo de integración non pode esquecer un ámbito tan esencial como é o tempo de lecer. Grazas a unha gran labor dos voluntarios, realízanse tanto actividades de:

•  OCIO: viaxes, saídas de fin de semana, ceas, saídas nocturnas...., 

•  DEPORTE: futbol, baloncesto, atletismo, golf e natación.

A participación en grandes competicións a nivel nacional e internacional, e a ocasión de utilizar os espazos da comunidade en convivencia, son unha oportunidade magnífica de integración social.

CONTACTO  

DIRECCIÓN:

Sta. Teresa de Jornet nº 19 (San Marcos), 15890 Santiago de Compostela. (A Coruña).

HORARIO DE ATENCIÓN:

 De 9:00h a 14:00h e de 16:00 a 18:30.TLF.: 981 58 20 50 / 981 57 67 20       

MAIL: aspas@asociacionaspas.org

WEB: www.asociacionaspas.org